जिल्हाधिकारी डॉ . सचिन ओंम्बासे यांच्या निर्णयाने जिल्ह्यात मोठी खळबळ
देशभक्त न्युज - नळदुर्ग सुहास येडगे -
पतीने केलेले अतिक्रमण उचापतीचा सिंदगाव ता. तुळजापुर येथील महिला ग्रामपंचायत सदस्याला चांगलेच महागात पडले असुन याचा मोठा फटका त्यांना आपले ग्रामपंचायत सदस्य पद गेल्याने बसला आहे . याबाबत सविस्तर बातमी अशी की , धाराशिवचे जिल्हाधिकारी डॉ. सचिन ओंबासे यांनी याप्रकारणी सिंदगाव ग्रामपंचायतीच्या ग्रामपंचायत सदस्या जयमाला शिवानंद करंडे यांच्या पतीने केलेल्या अतिक्रमणा बाबत त्यांचे सदस्यत्व रद्द केले आहे. त्यामुळे नंदगाव पाठोपाठ सिंदगाव येथील महिला ग्रामपंचायत सदस्यांलाही पदावरून पायउतार व्हावे लागले आहे. सिंदगाव येथील माजी ग्रामपंचायत सदस्य चांदपाशा नदाफ यांनी सिंदगावच्या ग्रामपंचायत सदस्या व विद्यमान उपसरपंच जयमाला शिवानंद करंडे यांचे पती शिवानंद आप्पाशा करंडे यांनी सरकारी जागेत अतिक्रमण केल्याची तक्रार जिल्हाधिकाऱ्यांकडे दाखल केली होती. जिल्हाधिकाऱ्यांनी या तक्रारीची दखल घेऊन याप्रकारणी तुजाळपुर तहसिदारांना चौकशी करण्याचे आदेश देऊन अहवाल सादर करण्यास सांगितले होते.
